Naniniwala ka ba sa himala? Ito ang pangyayari sa buhay ng tao na hindi kapanipaniwala ngunit sinasabing proteksiyon umano ito ng langit. Kung saan ang matibay nating paniniwala sa Panginoon ang siyang nagliligtas sa atin sa mga panganib na dumadarating sa ating buhay.
Iba-iba man ang pananampalataya at paniniwala ng tao ang tanging mahalaga ay nagkakaisa pa rin sa kabila ng pagkakaiba. Narito ang kwentong naibahagi sa social media, tungkol sa isang himala na nangyari sa isang pamilya sa Passi City Iloilo. Ito ay ang pamilya ni Pao Paginado Dehan, isang sunog ang nangyari umano sa kanilang bahay.
Sa laki ng pinsala sa loob kanilang tahanan tila mayroong ‘divine intervention’ ang naganap, dahil nakaligtas at walang pinsalang natamo ang mga imahe ng santo sa loob ng kanilang tahanan. Kaya para sa pamilya ni Pao, ito ay maituturing na isang milagro. Kitang kita naman sa larawan na halos matupok at maabo na ang ilang bahagi ng kanilang bahay, ngunit buo pa rin at tila hindi naabot ng apoy ang mga imahe kung saan ito nakapwesto.
Ayon naman sa imbestigasyon ng mga awtoridad, ang naging sanhi ng sunog ay dahil sa electrical connection. Tila nga isang himala ang nangyari, kung titingnan ang mga larawan parang mayroong proteksyon ang imahe dahil hindi ito natupok sa nangyaring sunog.
Tunay ngang ang milagro ay pwedeng mangyari kahit saan, ito ang patunay na ang presensiya ng Panginoong Diyos ay nasa paligid lamang. Marahil ito rin siguro ay isang paalala sa mga tao tungkol sa kanilang matatag na pananiniwala.
Sa kabilang banda, kung totoo man o hindi ang nangyaring itong, huwag pa rin nating kalilimutan ang magdasal sa bawat araw-araw ng ating buhay at higit sa lahat ay ang humingi ng gabay at pasasalamat sa Poong Maykapal. Patuloy lang tayong gumawa ng kabutihan sa ating kapuwa kahit saan man tayo makarating. Dahil ang Panginoong Hesus ay laging nandyan lamang at nakabantay sa lahat ng ating mga ginagawa.
Imahe ng Sto.Niño sa ulap, Nakuhanan ng Larawan sa Bohol
Viral ngayon ang mga larawan ng mga formation ng ulap na nagpapakita ng imahe ng Sto. Niño.
Nakuha ang larawan sa Tungod inabanga, Bohol na may nagpakitang imahe ng Sto. Niño na nakaharap sa isla ng Cebu. Marami ang nakakita at namangha sa naging formation ng ulap na tila ba makikita ang isa nakatagilid na Sto. Niño at tila ba may pinapahiwatig.
Dahil umano dito ay nagkaroon ng pag-asa ang ilan at patuloy na lumaban, kailangan lang magdasal at manalangin upang masugpo ang pandemya sa buong mundo.
Ito ang naturang post:
“Guys! eto po yung cloud formation na nakunan sa Tungod Inabanga, Bohol na may nagpakitang imahe ng Sto.Niño na nakaharap sa isla ng Cebu, marami ang namangha pero ang sabi ng iba ay ordinaryong ulap lang daw ito ngunit mas marami ang nabuhayan ng Pag-asa dahil isa raw itong senyales ng milagro ng Panginoon na sakabila ng pagtuloy na pagdami ng kaso ng C0VID-19 sa Cebu ay meron pa ring tayong Diyos na maaasahan, naniniwala ang ilan na pagagalingin ni Hesus lahat ng tinamaan ng virus sa Cebu at sa buong Pilipinas at muli nating makakamit ang pagbangon wag lang tayo mawawalan ng Pag-asa, patuloy na lumaban, magdasal at manalangin siguradong magagapi natin ang pandemya sa buong mundo.”
Mapapa-wow ka sa ganda ng kakaibang wall art na ito, na makikita sa Bucay, Abra
Bawat tao ay may natatanging talento na ipinagkaloob ng Diyos upang maging kapaki-pakinabang ito. Ang mga talentong ito ay hinahasa upang maipakita sa buong mundo ang kakayahan ng bawat isa.
Sila ang mga taong dapat kinilala upang maging instrument na magdadala ng karangalan sa bansa. Tingnan, ang kakaibang wall art na ito na gawa ng isang artist na mula pa sa Bucay, Abra.
Nakuhaan ng larawan ang pambihirang wall art na ito ng isang lalaki na nakilala bilang si Arvill Ninio Millan Belarmino kamakailan lamang. At ito ay ibinahagi niya sa kaniyang social media, ayon kay Arvill nagjo-jogging umano sila ng kaniyang mga kaibigan nang makita nila ang isang lalaki na gumagawa ng isang wall art sa isang bitak na bato na nasa tabi lamang ng kalsada.
Source: Facebook/ Arvill Ninio Millan Belarmino
Napag-alam ni Arvill na isa pala itong artist, pagkukwento pa niya noong una raw hindi nila maintindihan ang ginuguhit ng lalaki ngunit namangha daw sila na makita ang kinalabasa nito pagkatapos. Labis na nagulat si Arvill at ng kaniyang mga kasama na tila mukha ni Jesus ang naging obra ng artist.
Napabilib sila sa masterpiece ng lalaki, dahil talagang mapapatingin sa lugar na ito ang lahat ng mga taong daraan dito. Dagdag pa ni Arvill, kahit na panahon ngayon ng tag-ulan ay hindi basta-basta kumukupas ang obra maestra ng lalaki. Para kay Arvill, isang inspirasyon ang likhang ito ngayong panahon ng pandemiya, dahil ito ang magtuturo sa bawat isa na huwag sumuko sa bawat laban ng buhay at manatiling kumapit sa itaas sa panahon ng paghihirap.
Ipinapaala rin ng sining na ito na huwag kakaligtaang manalangin sa bawat problema na kinakaharap natin ngayon, dahil darating ang araw na magagawa nating mapagtagumpayan ang mga pagsubok na ito.
Ang mga ganitong klaseng sining ang magpapa-aalala sa atin, na ang buhay ay minsan lamang kaya sulitin ang bawat araw na nakakagawa ka ng mabuti sa iyong kapuwa lalo na ngayong panahon ng krisis. Saludo sa napakagandang obra maestrang ito!
The post Isang himala ang nangyari sa isang sunog, nang ang mga imahe ng mga santo ay hindi napinsala. appeared first on Light Feed.
Source: Light Feed
0 Comments