Kilalanin Ang Mga Celebrities Na May Pinakamahal Na Bahay

Lahat naman tayo ay pangarap na maipatayo ang ating dream house. Kaya naman karamihan sa atin ay nagtatrabaho ng mabuti, nagpupursige, at nag-iipon ng pera para lamang maipatayo ang bahay na kanilang ninanais.

Narito ang mga celebrities na mayroong pinakamahal na bahay sa Pilipinas:

10. Anne Curtis

Si Anne Curtis ay isang actress, model, television host, VJ, at recording artist sa Pilipinas. Siya ay isa sa mga host ng noontime variety show ng ABS-CBN na Its Showtime. Sa kaniyang 23 taon sa showbiz, naipatayo na niya ang kaniyang dream house sa southern part ng Metro Manila. Ito ay isang modern Victorian home na matatagpuan sa isang suburban private subdivision kung saan lahat ng bahay ay mayroong American style at magkakamukha ng exterior design.

9. Bea Alonzo

Si Bea Alonzo ay isa sa mga sikat aktres sa Pilipinas. Siya ay kilala sa kaniyang mga teleserye at pelikula. Ayon kay Bea, siya ay naninirahan sa isang condominium sa matagal ng panahon. Ito ay mayroon lamang na maliit at limitadong space. Kaya naman nais ni Bea na manirahan sa malaki at spacious na bahay. Lahat naman ng kaniyang paghihirap at sakripisyo sa trabaho ay nagbunga dahil naipatayo niya ang kaniyang dream house sa edad na 26. Ang kaniyang 3-storey house ay nakatayo sa isang exclusive subdivision sa Quezon City. Ito ay mayroong motif na Asian contemporary at modern design na may mala-hotel na finish.

8. Daniel Padilla

Si Daniel Padilla ay tinawag bilang “Teen King” at “King of Hearts” dahil siya ay isa sa pinakatanyag na aktor sa kanyang henerasyon. Ipinares siya sa aktres na si Kathryn Bernardo at ang kanilang loveteam ay talagang naging hit sa marami. Ang bawat pelikulang pinagbibidahan nila ay nagiging blockbuster at kumikita ng milyun-milyong pera. Ngunit ang kahanga-hanga kay Daniel ay nakapagpatayo na siya ng kanyang dalawang palapag na bahay sa isang subdivision sa Fairview, Quezon City sa edad lamang na 20. Mayroon itong motif na modern Meditteranean design. Ang bahay ay regalo ni Daniel para sa kanyang ina na si Karla Estrada na matagal nang nais na makapagpatayo sila ng kanilang sariling bahay.

7. Sarah Geronimo

Si Sarah Geronimo ay binansagan bilang “Pop Princess” at “Popstar Royalty” ng Pilipinas. Bukod sa pagiging artista, mayroon din siyang kamangha-manghang talento sa pagkanta. Si Sarah ay lumaki sa isang mahirap na pamilya ngunit ginawa niya itong inspirasyon at motivation para siya ay magsumikap at maging matagumpay sa buhay.

Sa ngayon si Sarah ay isa sa pinakamayamang personalidad sa Pilipinas. Sa edad na 31, naipatayo na niya ang kanyang dream house sa Quezon City.

6. Regine at Ogie Alcasid

Sina Regine at Ogie Alcasid ay isa sa pinakatanyag at maimpluwensyang personalidad sa Philippine showbiz industry. Tinawag si Regine bilang “Asias Songbird” dahil sa kanyang angking galing sa pagkanta. Samantala, bukod sa pagiging mahusay na mang-aawit,  Ogie ay isa ding komedyante. Naipatayo naman ng celebrity couple ang kanilang 3-storey dream house sa isang exclusive subdivision sa Quezon City. Ito ay itinayo sa tuktok ng burol. Ang bahay ay ini-renovate din taong 2015 kung saan ang motif nito ay isang modern at contemporary na bahay. Ang dekorasyon nito ay nagmula pa sa mga premyadong artista tulad nina Ann Pamintuan at Kenneth Cobonpue.

5. Vice Ganda

Si Vice Ganda ay isa sa pinakatanyag at matagumpay na personalidad sa kanyang henerasyon. Tinawag siyang “Unkaboggable Star” dahil bukod sa telebisyon, halos lahat ng kanyang pelikula ay naging blockbuster tulad ng Praybeyt Benjamin, Beauty at the Bestie, at marami pang iba. Siya ay tinawag ding “Phenomenal Star” sa kanyang henerasyon. Nagbunga naman ang lahat ng kanyang pagsusumikap nang maipatayo niya ng kanyang 3-storey dream house sa Quezon City. Ito ay mayroong motif na modern na may minimalist appeal kung saan ang mga deokarasyon nito ay minimal lamang.

4. Vic Sotto

Si Bossing Vic Sotto ay kilala bilang “Prince of Comedy” sa Pilipinas. Sa edad na 66, nakilala siya bilang isang mahusay na artista, komedyante, host sa TV, at mang-aawit. Sa kasalukuyan siya ay isa sa mga pangunahing host ng longtime-running noontime show ng GMA-7 na Eat Bulaga. Si Bossing Vic ay isa sa pinakamayamang personalidad sa Pilipinas. Ipinatayo niya ang kanyang bagong 2-storey na mansion sa isang exclusive subdivision sa Quezon City para sa kanyang asawang si Pauleen Luna at kanilang anak na si Tali. Ang bahay ay may kumbinasyon ng modern Asian at tropical concept.

3. Coco Martin

Si Coco Martin ay tinawag bilang “King of Philippine Television” dahil sa kanyang kilalang pelikula at serye sa telebisyon tulad ng Walang Hanggan at FPJs Ang Probinyano. Bukod sa pagiging artista, si Coco ay isa ring producer at direktor ng Ang Probinsyano. Naipatayo din niya ang kaniyang 2000 sqm tropical-inspired dream house sa isang exclusive subdivision sa Quezon City. Mayroon itong swimming pool, cabana, bar area, at gazebo.

2. Willie Revillame

Si Willie Revillame ay isang Filipino television host, singer, songwriter, businessman, actor, at comedian. Siya ay nakilala dahil sa kaniyang talento pagdating sa  pagho-host. Siya ay naging pangunahing host ng iba`t ibang kilalang variety show tulad ng “Wowowee” sa ABS-CBN, “Wil Time Big Time” sa TV5, at ang kasalukuyang show na “Wowowin” sa GMA-7.

Isa rin siya sa highest-paid na personalidad sa Pilipinas. Si Willie ay nagkaroon ng interes sa mga mamahaling bagay tulad ng yate, private planeero, private helicopter, mga mamahaling kotse, at ang kanyang bagong three-story house sa Tagaytay. Ang bahay ay itinayo sa 5 hectares ng lupa kung saan makikita ang Bulkang Taal. Ito ay isang tropical-inspired look kung saan ang kanyang bahay ay inspired sa Bulgary Hotel and Resort sa Bali, Indonesia.

Ayon kay Willie, nais niyang magtayo ng isang hotel at mga private villa upang mapakinabangan ang lupa, ngunit nang maisip niya ang tungkol sa kanyang pagreretiro kaya nagpasya siyang magtayo na lamang ng isang bahay sa lugar.

1. Manny Pacquiao

Si Manny Pacquiao ay isa sa pinakakilalang tao sa buong mundo. Siya rin ay isang actor, singer, businessman, basketball player, at kasalukuyang Senador sa bansa. Sa kanyang tagumpay sa boksing, siya ay pinangalanan bilang “Six Richest Boxers of All Time” na may net worth na nagkakahalaga ng $190-M o P9.5-B. Dahil sa kanyang tagumpay na dinala niya para sa bansa, wala namang mali kung maranasan niya ang isang marangyang buhay tulad ng pagbili ng isang bahay sa Forbes Park sa Makati City na nagkakahalaga ng $9.5-M o P388-M noong 2011. Ang bahay ay bagong renovate lamang noong taong 2019. Ngunit kamakailan lamang, ito ay nai-post na para maibenta sa halagang P2-M.

Ivana Alawi, Ipinasilip Ang Disenyo Ng Ipapatayo Niyang Bahay Para Sa Kaniyang Pamilya

Si Ivana Alawi ay isa sa mga kilala at hinahangaang aktres ngayon sa industriya ng showbiz. Mas lalo pang nakilala ng publiko si Ivana dahil sa kaniyang mga nakakaaliw at puno ng inspirasyong mga content sa kaniyang YouTube vlog.

Bukod kasi sa kaniyang taglay na kagandahan at hubog ng katawan, si Ivana ay isa ding mahusay na aktres at mayroong mabuting puso sa kaniyang kapwa, lalo na sa mga nangangailangan kaya hindi na nakakapagtaka kung bakit marami ang humahanga ngayon kay Ivana.

Ang pagiging vlogger ni Ivana ay isa din sa nagdala sa kaniya ng kasikatan at tagumpay. Marami ang naaaliw sa mga content ng vlog ni Ivana, kagaya na lamang ng kaniyang mga prank sa kaniyang pamilya na nagbibigay ng tuwa sa mga manonood.

 

Maging ang mga challenges na kaniyang ginagawa ay nakakatuwa din. Minsan ay mayroon ding mukbang contents na ginagawa si Ivana, ibinabaagi din niya ang masayang bakasyon nilang pamilya sa magagandang lugar, at marami pang iba.

Matatandaan na minsan na ding itinampok ni Ivana sa kaniyang YouTube vlog ang lupa na kaniyang binili upang pagtayuan ng pangarap niyang bahay para sa kaniyang pamilya. Minsan na ding inamin ni Ivana na hindi niya ginagalaw ang pera na kinikita niya sa YouTube dahil inilalaan niya ito upang maipatayo ang dream house niya para sa kaniyang ina at pamilya.

Sa naturang vlog ay ibinahagi din ng aktres ang nais niyang maging disenyo ng kaniyang bagong bahay.

Ayon sa kaniya, ang bagong bahay na ipapatayo niya para sa kaniyang pamilya ay mayroong tatlong palapag na mayroong modernong disenyo at sa harapang bahagi naman ay salaming disenyo. Nais din niya na magkaroon ng malaking swimming pool sa likurang bahagi ng bahay.

Samantala, sa loob naman ng bahay ay nais ni Ivana ang pinaghalong white at gold na disenyo dito. Ito ay dahil ito ang nais na disenyo ng kaniyang ina na si Mommy Fatima. Hango din sa Italian house design ang interior design ng bahay.

Pagbabahagi ni Ivana ag UID Architect ang siyang nag-disenyo sa napakagandang plano ni Ivana at disenyo na nais niya para sa kanilang dream house.

The post Kilalanin Ang Mga Celebrities Na May Pinakamahal Na Bahay appeared first on Light Feed.

Source: Light Feed