Dominic Roque, may malaking pasabog matapos ibahagi ang kanilang sweet na larawan ni Bea Alonzo sa IG

Patuloy ang pagpapakilig nina Bea Alonzo at Dominic Roque sa kanilang mga fans.

Nakabalik na sa bansa sina Dominic at Bea matapos ang bakasyon nila sa Los Angeles California.

At unti-unti na ring inilalantad ng dalawa ang kanilang relasyon sa publiko.

Kahapon nga lang, August 5, ay muling pinakilig nina Bea at Dominic ang kanilang mga fans and supporters.

Tila girlfriend reveal kasi ang latest post ni Dominic sa kanyang Instagram account.

Maikling caption ni Dom, “Lover [musical notes emoji]”. Kalakip nito ay ang apat na sweet photos nila ni Bea Alonzo.

Kuha ang mga larawan sa Napa Valley, California kung saan nagbakasyon ang dalawa nitong July.

Nagkomento naman dito si Bea ng “Hi!!! [smiling face with heart-shaped eyes emoji]”

Pati ang tita ni Dominic na dating aktres na si Beth Tamayo ay may nakakatuwang komento din. Saad nito, “Tamis ng asukal sa Napa! Lol.”

Ilan din sa mga kaibigan nila sa industriya ng showbiz ay hindi din napaigilang kiligin sa mga litrato nina Dom at Bea.

Komento nga ni I.C. Mendoza, “ANO NA MGA KAPITBAHAY?! SINO GUSTONG WATER JAN [two smiling faces with heart-shaped eyes emojis]”

Saad naman ni Denise Laurel, “Love is so beautiful [heart emoji]”

Sabi naman ni Gretchen Ho, “So happy for you Dom [slightly smiling face emoji]”

“Dooooom!!!!  anunabaaaaa hoy!!! @beaalonzo YOU GUYS LOOK SO GOOOOOD TOGETHER stay happy!!!!” komento naman ni Dimples Romana.

Bago pa ang post na ito ni Dominic ay nagbahagi na din si Bea ng larawan nilang dalawa na nakahawak pa sa bewang niya si Dominic.

Pagtawag ni Bea Alonzo ng ‘Hon’ kay Dominic Roque, muling kinakiligan ng marami

Mas lalong kinikilig ngayon ang mga fans ng rumored couple na sina Bea Alonzo at Dominic Roque.

Ang tanong nga ng nakararami, opisyal na bang magkasintahan sina Bea Alonzo at Dominic Roque?

Hindi kasi nakaligtas sa mapanuring tagasuporta ng couple ang pagtawag ni Bea na “Hon” kay Dominic.

Ito ay habang sila ay nagka-camping sa Yosemite National Park.

Sa isang video kasi na ipinost ng kaibigan ni Dominic maririnig ang boses ni Bea sa background na tila inaayos ang camera ni Dominic na naka-on.

Maririni na sabi ni Bea, “Hon, nagre-record ito kanina pa.”

Hindi gaanong dinig ang sagot ni Dominic na tila nasa di kalayuan.

Agad namang umani ng sam’t-saring reaksyon ang nasabing video.

Narito ang ilan:

“Masarap sa pakiramdam na walang tinatago”

“Haaaay kilig talaga. I’m soo happy for Bea and Dominic. At ang masaya pa, she doesn’t have to pretend to be someone she’s not around him. He likes her just the way she is.”

“Infairness naman sa dalawa mukhang swak ang lifestyle…sosyal na low key”

“bakit ba abangers ako sa ganap ng dalawang to haha yung kilig ko parang nung kay sarah matteo dati nung bago sila haha”

“Seems Bea is really under the care of Dom.Kilig much.Sana magkatuluyan sila.”

Bukod dito, hayagan din ang pagsinta ni Bea matapos na mag-post ito kahapon sa kanyang Instagram story ng mga litrato at video nila ng kaka-birthday lang na si Dominic.

Makikita sa video na sweet ang cheek-to-cheek moment nila na nagsasayaw sa dance floor ng isang bar kasama ang tiyahin ni Dominic na si Beth Tamayo at asawa nitong si Adam Hutchinson.

The post Dominic Roque, may malaking pasabog matapos ibahagi ang kanilang sweet na larawan ni Bea Alonzo sa IG appeared first on Light Feed.

Source: Light Feed