Positibo ang naging reaksiyon nina Derek Ramsay at Ellen Adarna sa posibleng tambalan nina John Lloyd Cruz at Andrea Torres.
Naging maugong ang balita na magsasama sa isang sitcom sina Andrea at John Lloyd kamakailan.
Ito ay naging usap-usapan ng banggitin ito ni Willie Revillame matapos lumabas ni Lloydie sa kanyang programa.
Excited naman umano si Andrea sa posibleng pagsasama nila ni John Lloyd dahil aniya fan siya ng aktor.
Ngunit wala pa umanong hinahain na proyekto ang GMA sa kanya ukol dito.
Samantala, sa isang panayam sa engaged couple na sina Ellen at Derek, nahingan sila ng reaksyon.
Ukol sa posibleng tambalan ng kanilang mga dating nakarelasyon.
Noong Hunyo unang napabalita ang planong show ni Willie Revillame para kina John Lloyd at Andrea.
Si Andrea ang dating girlfriend ni Derek na ngayon ay engaged na kay Ellen, na ina naman ng anak ni John Lloyd na si Elias.
“Good for them. More blessings, more fun,” reaksiyon ni Ellen, ayon sa ulat ng PEP.ph.
“That’s true! Congratulations,” tugon naman ni Derek.
“I mean, may project sila together. Maganda ang sitcom kasi it spreads good vibes. So, wala naman akong ano. Congrats!” dagdag pa nito.
Pagbabahagi naman ni Ellen ay in good terms daw sila ni John Lloyd at nag-uusap sila tungkol sa kanilang anak na si Elias.
Ngunit hanggang doon lamang daw ang kanilang pag-uusap.
Samantala, si Derek naman ay wala ng komunikasyon sa kanyang dating kasintahan na si Andrea magmula ng sila ay maghiwalay nakaraang taon.
Pagdating naman sa bagong proyekto, hindi pa umano masabi ni Derek kung ano ang next project na gagawin niya sa GMA-7.
Marami raw siyang naka-lineup na pelikula at yun daw muna sana ang gusto niyang gawin.
Kiray Celis, Kinabog Si Ellen Adarna Sa Kaniyang Throwback Photo Kasama Si Derek Ramsay
Mainit ang sunud-sunod na mga balita tungkol sa relasyon ng artistang si Ellen Adarna at ang kaniyang ngayon ay fiancé nang si Derek Ramsay.
Nagsimula ito noong bali-balita na si Ellen ang dahilan ng hiwalayan ni Derek at ng aktres na si Andrea Torres. Hanggang sa mabilis na mga balitang mula sa isang buwan na relasyon ay agad nang nai-engage ang dalawa at nagpaplano nang magpakasal bago matapos ang taon.
Maraming mga show at balita ang nais makausap sila Ellen at Derek upang malaman ang mga pangyayari sa relasyon nila, at nasagot lamang ang lahat ng mga katanungan ng kanilang mga tagasuporta, nang makapanayam nila si Dra. Vicky Belo nang sila ay mag-guest sa youtube vlog nito.
Nang ibinahagi ng dalawa ang kanilang kwento ay marami ang naantig sa kanilang pagmamahalan at sa kanilang mga pinagdaanan bago pa makasama ang isa’t-isa. Lalo na at bukas sa media ang lahat ng nangyari sa aktres na si Ellen noong siya ay nagpapagaling sa kaniyang depresyon.
Magmula ng panayam na iyon ay nabawasan ang mga basher ng magkasintahan, at mas lalo pang natuwa ang mga netizen nang ilabas ng GMA actress na si Kiray Celis ang video nila noon ni Derek na naglalambingan sa dagat.
“Sorry, Ellen, nauna talaga ako! BUWAHAHAHAHAHAHAHAHAHAHAHAHA!” saad ni Kiray sa kanyang caption nang ipost niya sa kaniyang tiktok account ang nasabing video.
“Ellen, una siyang naging akin.” dagdag pa ni Kiray sa comment section ng kaniyang post.
Maraming mga netizen ang natuwa at nagkomento pa ng mga nakakatawang banat sa post ni Kiray.
“Love is blind!! Ang harot mu jn ms. Kiray Celis hehe pero nakaka-kilig tlaga ung part na yan sa inyo dalawa ni derek”
“Haha ang cute kakilig parang totoo ses kiray hahaha may spark”
“Hahahaah kabahan ka na kay Kiray Ellen”
“Hahaha hindi ko alam kung kniklig ako ohh na tatawa ako sana all miss Kiray Celis”
Ang nasabing video ay kinunan nang minsan ay magtambal si Derek at Kiray sa kanilang pelikula na Love is Blind, kasama ang aktres na si Solenn Heussaff.
The post Ellen Adarna at Derek Ramsay may mensahe para kina John Lloyd Cruz at Andrea Torres appeared first on Light Feed.
Source: Light Feed
0 Comments