Ilang buwan ding naging usap-usapan ang biglang pag amin ng relasyon nila Ellen Adarna at Derek Ramsay. Kasunod nito ang mas lalong ikinabigla ng marami, ang kanilang engagement.
Dahil sa mga rebelasyong ito, hindi maiwasang maungat ang naging previous relationship ng dalawa at pilit na ikokonnek sa present.
Kamakailan lang ay marami ang nagulat sa hindi inaasahang paglipat ni John Lloyd Cruz sa Kapuso network. Kasunod nang balitang possible siyang itambal kay Andrea Torres sa isang proyekto.
Napagalaman na excited di umano si Andrea na makatrabaho ang A-list actor kahit na wala pa naman talagang hinahain ang management ng GMA tungkol dito.
Dahil sa balitang ito maraming netizens ang tila naligalig sa balita at inaantay ang magiging reaksyon ng kanilang mga ex na sila Derek Ramsay at Ellen Adarna.
Sa isang panayam ng PEP sa engagement couple na Derek at Ellen, hindi naman pinalagpas na hingan sila ng reaksyon tungkol sa bali balitang pagtatambal ng kanilang mga ex.
Reaksyon ni Ellen,
“Good for them. More blessings, more fun.”
Sinundan naman ni Derek,
“That’s true! Congratulations. I mean, may project sila together. Maganda ang sitcom kasi it spreads good vibes. So, wala naman akong ano. Congrats!”
Pag aamin naman ni Ellen, walang problema sa pagitan nila ni John Lloyd ngayon. In good terms daw sila at nakakapag usap ng maayos tungkol sa kanila anak na si Elias. Hanggang doon lamang daw at wala nang iba pa.
Samantalang si Derek naman ay inaming wala nang communication sa pagitan nila ng kanyang ex na si Andrea mula nung maghiwalay sila.
Sa ngayon ay nag eenjoy sina Derek at Ellen sa kung anong meron sila, habang nag aantay pa si Derek sa schedules nang mga naka line up niyang movie projects.
So far so good naman pala ang relasyon ng mga taong involved dito. Ano pong masasabi niyo?
Kiray Celis, Kinabog Si Ellen Adarna Sa Kaniyang Throwback Photo Kasama Si Derek Ramsay
Mainit ang sunud-sunod na mga balita tungkol sa relasyon ng artistang si Ellen Adarna at ang kaniyang ngayon ay fiancé nang si Derek Ramsay.
Nagsimula ito noong bali-balita na si Ellen ang dahilan ng hiwalayan ni Derek at ng aktres na si Andrea Torres. Hanggang sa mabilis na mga balitang mula sa isang buwan na relasyon ay agad nang nai-engage ang dalawa at nagpaplano nang magpakasal bago matapos ang taon.
Maraming mga show at balita ang nais makausap sila Ellen at Derek upang malaman ang mga pangyayari sa relasyon nila, at nasagot lamang ang lahat ng mga katanungan ng kanilang mga tagasuporta, nang makapanayam nila si Dra. Vicky Belo nang sila ay mag-guest sa youtube vlog nito.
Nang ibinahagi ng dalawa ang kanilang kwento ay marami ang naantig sa kanilang pagmamahalan at sa kanilang mga pinagdaanan bago pa makasama ang isa’t-isa. Lalo na at bukas sa media ang lahat ng nangyari sa aktres na si Ellen noong siya ay nagpapagaling sa kaniyang depresyon.
Magmula ng panayam na iyon ay nabawasan ang mga basher ng magkasintahan, at mas lalo pang natuwa ang mga netizen nang ilabas ng GMA actress na si Kiray Celis ang video nila noon ni Derek na naglalambingan sa dagat.
“Sorry, Ellen, nauna talaga ako! BUWAHAHAHAHAHAHAHAHAHAHAHAHA!” saad ni Kiray sa kanyang caption nang ipost niya sa kaniyang tiktok account ang nasabing video.
“Ellen, una siyang naging akin.” dagdag pa ni Kiray sa comment section ng kaniyang post.
Maraming mga netizen ang natuwa at nagkomento pa ng mga nakakatawang banat sa post ni Kiray.
“Love is blind!! Ang harot mu jn ms. Kiray Celis hehe pero nakaka-kilig tlaga ung part na yan sa inyo dalawa ni derek”
“Haha ang cute kakilig parang totoo ses kiray hahaha may spark”
“Hahahaah kabahan ka na kay Kiray Ellen”
“Hahaha hindi ko alam kung kniklig ako ohh na tatawa ako sana all miss Kiray Celis”
Ang nasabing video ay kinunan nang minsan ay magtambal si Derek at Kiray sa kanilang pelikula na Love is Blind, kasama ang aktres na si Solenn Heussaff.
The post Ex to EX reaction – Derek at Ellen nag react sa posibleng pagtatambal nila John Lloyd Cruz at Andrea Torres appeared first on Light Feed.
Source: Light Feed
0 Comments