Queen to Queen! Rabiya Mateo, nakatanggap ng pagmamahal at pagsuporta kina Pia at Catriona sa likod ng pagkalaglag sa Top 10 ng Miss Universe

A queen will always be a queen!

Miss Universe 2015 Pia Wurtzbach at Miss Universe 2018 Catriona Gray ramdam ang suporta kay Rabiya Mateo hanggang dulo.

Ngayong araw, May 17, 2021 (May 16 sa Florida) ginanap na ang most awaited national pageant na Miss Universe 2020.

Matapos ang pag buhos ni Rabiya ng kanyang makakaya para masungkit ang korona, nagtapos siya sa Top 21.

Naging maingay ang Miss Universe 2020 dahil ang mga Pinoy fans ay todo suporta kay Miss Universe Philippines Rabiya Mateo.

Pero sa Top 21 lamang natapos ang journey na ito ni Rabiya. Marami ang nakapansin na puro umano Latina ang nakapasok dahil ang judges ay Latin din.

Inaasahan na makakapasok sa Top 3 si Rabiya dahil sa galing nito rumampa at sumagot. Mula nang umpisahan ng mga kandidata ang kanilang Miss Universe activities, isa si Rabiya sa mga madalas ma-interview.

Pero gayun pa man, todo pa din ang suporta ng mga Pinoy fans at proud pa din dahil nakita naman ang effort na ginawa ng kandidata.

Sa katunayan, pati ang mga pambato ng Pinas na inuwi ang korona ay todo ang pagmamahal at suporta kay Rabiya mula umpisa hanggang dulo.

Sa Twitter, nagpaabot ng love and encouragement sina Pia Wurtzbach at Catriona Gray.

“RABIYA WE LOVE YOU thank you for pouring your heart for the Philippines [red heart emoji] We see you heart Queen,” ang pag suporta ni Miss Universe 2015.

Habang ang Miss Universe 2018 naman, “Wooow this year is intense!! [surprised face emoji] Sending Rabiya all of our love! She made our country proud! [yellow heart emoji] 11 Year consecutive semi-streak Pilipinas [Philippine flag emoji]”

Parehong naging makasaysayan ang pagka panalo nina Pia at Catriona nang maiuwi nila ang korona.

We are so proud of you, Rabiya!

Pahayag Ni Miss Universe 2018 Catriona Gray Tungkol Sa Kanyang Top 6 Candidates, Binaha Ng Pambabash

Umugong ang usap-usapan tungkol sa tweet ni Miss Universe 2018 Catriona Gray, kung saan ibinahagi niya ang kaniyang Top 6 sa ginanap lamang ngayong araw, Biyernes, na Miss Universe 2020 National Costume competition.

Ito ay dahil, hindi niya sinama ang Philipine-flag inspired na costume ng pambato ng Pilipinas sa kaniyang mga nagustuhang national costume. Ang kasuotang ito ay dinisenyo ng namayapang fashion designer na si Rocky Gathercole.

Ang mga isinama lamang ni Catriona sa mga nagustuhang national costume ay ang mga kasuotan ng mga kandidata mula sa Indonesia, Nepal, Peru, Thailand Ukraine, at Vietnam.

“Indonesi, Nepal, Peru, Thailand, Ukraine and Vietnam were my Top 6 @missuniverse National Costumes *emoji Who were yours?emoji,” anito sa kontrobersyal na tweet.

Marami ang naglahad ng kani-kanilang opinyon sa pahayag na ito ni Catriona. Mayroong mga nagtanggol dito at mayroong namang mga nangkritiko.

Mayroong mga nagsabing opinyon ito ni Catriona at may karapatan naman itong magpahayag ng kaniyang mga nagustuhang kasuotan sa naturang kompetisyon. Sinabi rin ng mga itong hindi naman nito ibinababa ang Pilipinas sa kategoryang nasabi.

“Why give Catriona hate comments? Bawal na ba siyang magbigay appreciation sa iba? She never said anything bad about Rabiya’s Natcos. Appreciating one’s work does not mean depreciating another’s.”Tweet ni @kriti1ko.

Ngunit, ang iba naman ay hindi ito tinanggap.

“I have nothing against Catriona. Pero dapat sinarili mo nalang just imagine kung ikaw nasa posisyon ni rabiya at galing pa sa kapwa mo Pilipino.”Saad naman ni @LexLim12.

Samantala, hindi naman nagpaapekto ang beauty queen sa mga pahayag na ito.

“That’s okay were all entitled to our own opinions.”

Nilinaw din ni Catriona na hindi niya ibinase sa pinakita ng mga kandidata ang pagpili sa kaniyang top picks, bagkus ay sa kanyang mga personal na paboritong national costumes.

“My best in National Costume picks are my favorite National Costumes, not based on the candidates performance. I love the celebration of culture and a country’s expression of identity which is why its one of my favorite segments! @MissUniverse,”paliwanag nito sa isang tweet.

Patuloy pa rin naman ang kanyang pagsuporta  kay Miss Universe-Philippines 2020 Rabiya Mateo sa laban nito para sa korona.

Bonggang Gown Ni Rabiya Mateo Sa Miss Universe National Costume Contest, Niyanig Ang Lahat

Pinalakpakan ng madla ang pambato ng Pilipinas para sa Miss Universe na si Rabiya Mateo, matapos nitong magpakitang gilas sa katatapos lamang na 69th Miss Universe National Costume contest, suot ang isang feathery Vegas-like ensemble na hango sa disenyo ng watawat ng bansa.

Halaw sa watawat ng Pilipinas ang kasuotang ito ni Rabiya Mateo; mayroong pak-pak na kulay bughaw ang kanan at pula naman ang kaliwa, na mayroong tig-isang dilaw at kumikinang na bituin sa magkabilang bahagi. Gayundin sa pak-pak ang kulay ng kaniyang damit at sapatos. Sa gitna naman, sa dibdib, ay mayroon ding isang bituin.

Samantala, bawat kulay at disenyo nito ay mayroong sinasagisag, katulad nang sa watawat.

Ang kulay bughaw na kulay ay simbolo ng kabunyian; pula para sa tapang at lakas ng isang independienteng babae at inilalarawan naman ng dilaw, na kulay ng araw at bituin, ang kalayaan sa pagpili kung sino at ano ang gusto mong maging.

“You’ll get far just to be who you are like Philippines,”ani ng host matapos ilarawan ang disenyo ng costume.

Ayon naman sa mga ulat, ibinahagi ng puno ng Miss Universe-Philippines Design Council na si Albert Andrada na ang national costume na ito ni Rabiya ay halaw sa logo ng Miss Universe-Philippines Pageant.

Ang national costume na ito ay dinisenyo at ginawa ng late Filipino International designer na si Rocky Gathercole, na tinapos naman ng Bulacan-based costume at jelwery designer na si Manny Halasan, sa pagsasamang sikap nila ni Rocky Gathercole, na sa kasawiang-palad ay pumanaw na noon lamang ika-3 ng Marso dahil sa posibleng atake sa puso.

Isa ang Filipino designer na si Rocky sa likod ng mga naggagandahang kasuotan ng mga Hollywood stars na sina Britney Spears, Jennifer Lopez, Tyra Banks, Paris Hilton at Nicky Minaj, kasama pa ang iba.

Samantala, ang orihinal na disenyo ng costume na ito ay mayroong headpiece ngunit hindi ito nasuot ni Rabiya dahil sa mga kinukonsiderang kadahilanan. Pinaliwang ni Miss Universe Philippines Director Shamcey Supsup, na ang dahilan sa likod nito ay dahil laging nahuhulog ang headpiece na ito kapag sinusot ni Rabiya.

“I’m pretty sure alam niyo naman na I brought the headpiece for Rabiya but unfortunately it was… she couldn’t (wear it). Nahuhulog,”paliwanag nito sa isang panayam sa ABS-CBN news.

“It was hard for her to wear it, so we decided na kung saan siya mas komportable,” dagdag nito. “Mabigat na rin kasi ‘yung wings niya in the first place.”

Lumipad din ang Miss Universe 2011 runner-up at Miss Universe Philippines national director Shamcey Supsup sa Estados Unidos upang suportahan si Rabiya sa pagsungkit sa korona.

Ayon naman sa mga balita, ang Furne One ng Amato Couture ang magdi-disenyo ng evening gowns ni Rabiya para sa preliminary at final shows.

“Yes, for the gowns, they’re all custom-made, meaning all hand made. So we spent around 10,000 hours for four gowns. It’s different, Albert and Jonas contacted me to do this even though I’m more on avant garde designs than pageant designs, ‘coz they want me to do a different take on pageantry,” siwalat nang Dubai-based Filipino designer sa isang online interview.

Nagpahayag naman ang mga dating pambato ng Miss Universe katulad na lamang nina Miss Universe 2015 Pia Wurtzbach, Miss Universe 2018 Catriona Gray at iba pa ng kanilang suporta kay Rabiya. Pinagtanggol din ng mga ito si Rabiya sa mga kritisismong natatanggap sa internet.

The post Queen to Queen! Rabiya Mateo, nakatanggap ng pagmamahal at pagsuporta kina Pia at Catriona sa likod ng pagkalaglag sa Top 10 ng Miss Universe appeared first on Light Feed.

Source: Light Feed