Madam Inutz, umabot sa mahigit P342k ang naipamili sa hamon ni Wilbert Tolentino na “2 Minute Shopping Challenge”

Hakot pa sa hakot! Madam Inutz, humakot ng pinamili na may malaking halaga sa challenge ni Wilbert Tolentino!

Sikat na sikat ngayon ang online live seller na si Daisy Lopez ng Cavite o mas kilala bilang Madam Inutz.

Sa bagong upload na vlog ng YouTube vlogger na si Wilbert Tolentino, nakasama niya si Madam Inutz at si Herlene Budol o mas kilalang Hipon Girl.

Para sa vlog na ito, nag enjoy ang online seller sa 2 minute shopping challenge ni Wilbert.

Maging dito sa pamimili, kapansin pansin pa din ang priority ni Madam Inutz na walang iba kung hindi ang kanyang ina.

Humakot siya ng napakadaming hair straightener at komportable unan, kumot at bedsheets para sa kanyang ina.

Puno naman ng tawa at saya ang naging vlog ni Wilbert kasama si Hipon Girl at Madam Inutz. Bukod dito, napansin din ng viewers ang pagiging supportive ni Hipon kay Daisy.

Walang mapaglagyan ang tuwa ni Madam Inutz dahil nakarami siya ng pamimili at first time daw ito na nangyari sa kanya.

“Grabe! Napakasaya ko kasi parang panaginip lang,” tuwang-tuwang sabi ni Madam Inutz.

“First time in history, first time in my life na mararanasan ko ‘to.”

Sa dulo ng vlog, na sa Php 150,000 ang hula ni Madam Inutz ang total ng kanyang pinamili. Laking gulat niya nang sabihin ni Herlene na kalahati lamang ito dahil umabot sa Php 342, 173 ang total.

 

Marami naman netizens ang masayang muli para kay Daisy Lopez.

Negosyanteng Vlogger na si Wilbert Tolentino, naghatid ng surpresang tulong kay Madam Inutz na P200k

Isang surpresa ang hatid ng negosyante at vlogger na si Wilbert Tolentino para kay Queen Inutz.

Kilalang kilala na nga ngayon sa social media ang online seller na si Daisy Lopez. O mas kilala bilang si Queen Inutz.

Kamakailan nga lamang ay pumirma na siya ng kontrata sa Star Image Artist Management. Ngunit dalawang araw ang lumipas ay binawi niya ito.

Aniya, may mga nakita umano siyang mali sa mga nakasaad sa kontrata. Dahil na rin sa payo ng kanyang mga supporters at pamilya ay napagdesisyunan niyang i-withdraw ang kontrata.

Samantala, may nawala man pero mas malaking oportunidad ang dumating kay Queen Inutz.

Una nang bumisita sa kanila sa Amadeo Cavite ay sina Ethel Booba at Donita Nose. Kung saan naginuman ang mga ito at nagkantahan pa.

Sa huli ay biniling lahat nina Donita at Ethel ang panindang ukay-ukay ni Madam Inutz. Para na rin umano makatulong para sa kanyang pamilya.

At ngayong araw naman, isang surpresa muli ang natanggap ni Madam Inutz, this time ay galing naman kay Mamshie Wilbert.

Personal ding nagpunta ang ka-freshness ng lahat na si Wilbert sa tahanan nila Madam Inutz, kasama rin niya si Herlene.

Sa simula ng kanyang vlog ay ibinahagi ni Wilbert na bibigyan niya ng two hundred thousand pesos si Madam Inutz.

100K para sa pangangailangan ng nanay nito na bedridden na at 100K naman para sa pandagdag sa negosyo nito.

Naging emosyonal naman ang tagpo ng iabot na ni Wilbert ang pera kay Madam Inutz.

Hindi umano lubos akalain ni Madam Inutz na may magbibigay sa kanya ng ganun kalaking halaga.

Ultimo si Herlene na kilalang palatawa ay hindi napigilan ang kanyang luha.

Sobra sobra naman ang naging pasasalamat ni Madam Inutz sa kabutihan ng puso ni Mamshie Wilbert.

Narito ang kanilang video:

The post Madam Inutz, umabot sa mahigit P342k ang naipamili sa hamon ni Wilbert Tolentino na “2 Minute Shopping Challenge” appeared first on Light Feed.

Source: Light Feed