Kilalanin Ang Mga Naging Anak Ni Jeric Raval Sa Kaniyang Mga Naka-relasyon

Si Jeric Raval ay isa sa mga sikat at hinahangaang action star sa Philippine showbiz industry. Siya ay unang nakilala sa kaniyang pagganap sa pelikula na “Sagot Ko Ang Buhay Mo” noong taong 2000, “Bagansya” noong 2001, at “Angel de Guardia.”

Hindi rin naman lingid sa kaalaman nating lahat na mayroong mga nagagandahan at naggwapuhan na anak si Jeric mula sa kaniyang mga naka-relasyon noon.

Narito at kilalanin natin ang mga anak ni Jeric Raval.

Janina Raval

Si Janina Raval ay ang bunsong anak ni Jeric kay Monica Herrera. Siya ay ipinanganak noong February 1998 at ngayon ay 23-year-old na. Gaya ng kaniyang mga magulang, pinasok din ni Janina ang showbiz noong 2017. Siya ay isang magaling na singer at kasalukuyang contract artist ng Viva. Sa ngayon ay hindi na aktibo si Janina sa showbiz ngunit madalas pa din siyang nagpo-post sa kaniyang mga social media accounts. Mayroon na din siya 2 taong gulang na anak na lalaki na si Hunter.

Joshua Buensuceso

Si Joshua Buensuceso ay ang lalaki at panganay na anak ni Jeric kay Monica.

Jenica Buensuceso

Si Jenica Buensuceso ay isa din sa tatlong naging anak ni Jeric kay Monica.

AJ Buensuceso

Si AJ Buensuceso o mas kilala bilang si AJ Raval ay isa sa mga naging anak ni Jeric kay Alyssa Alvarez. Siya ang pangalawa sa panganay sa limang magkakapatid. Ipinanganak siya noong 2001 at ngayon ay 21-anyos na. Isa ding contract artist ng Viva Artist Agency si AJ. Taong 2019 nang magsimula siyang maging isang artista sa pelikula na “Sons of Nanay Sabel” at nasundan naman ng kaniyang controversial na pelikula na “De4th of a Girlfriend.” Siya din ay napapanood sa Kapamilya teleserye na ‘Ang Probinsyano” bilang si Andrea Villar.

Isa ding sikat na social media star, influencer, vlogger, at video game streamer si AJ sa mga social media sites. Hindi man lumaki sa puder ng kaniyang tunay na ina si AJ dahil 3-year-old pa lamang ito nang kuhanin ng kaniyang ama.

Vanessa Buensuc

Si Vanessa Buensuceso ay isa din sa mga anak ni Jeric kay Alyssa. Siya ay lumaki sa Pampanga. Isa itong magaling na dancer at miyembro ng dance group na The Matrix. Maranung din itong umawit at gumamit ng gitara. Halos mga panlalaki ang hobbies ni Vanessa tulad ng mga malalaking motor, pagbibisikleta, pagta-tattoo, at pagbubuhat sa gym. Kaya minsan ay napagkakamalan itong pusong lalaki pero ang hindi nila alam na babaeng babae si Vanessa dahil mayroon na itong isang 3 tatlong taong gulang na anak.

Ace Buensuceso

Si Ace Buensuceso ay isa sa dalawang lalaking anak ni Jeric kay Alyssa. Siya ay isang magaling na rapper at kilala sa kaniyang screen name na Drizzy Ace. Taong 2019 nang ilabas niya ang kaniyang single na “Madaling Araw” kung saan naka-duet niya ang kaniyang kapatid na si AJ Raval.

Ysabel Buensuceso

Si Ysabel Buensuceso naman ay ang bunsong anak na babae ni Jeric kay Alyssa. Gaya ng kaniyang mga kapatid na babae, nagtataglay din ng ganda itong si Ysa at pwede din siyang maging artista balang araw.

Dave Buensuceso

Si Dave Buensuceso naman ay ang bunsong anak na lalaki ni Jeric kay Alyssa. Bata pa lamang ay makikita na ang kagwapuhan ng binata na lumaki sa Pampanga kasama ang kaniyang ina at mga kapatid.

Mela Buensuceso

Isa si Mela sa apat na anak ni Jeric kay Holiday Buensuceso. Hindi gaya ng ibang anak na babae ni Jeric ay very private si Mela at hindi ito mahilig mag-post sa social media kaya naman wala masyadong impormasyon tungkol sa kaniya. Minsan naman siyang napanood sa programang Magandang Buhay kung saan ibinahagi niya ang pagiging istriktong ama ni Jeric sa kanilang magkakapatid.

Paul Eric Buensuceso

Si Paul Eric Buensuceso naman ay isa din sa apat na anak ni Jeric sa asawang si Holiday. Siya ang nakababatang kapatid ni Mela. Ayon kay Jeric, binigyan niya itong palayaw na Pugo dahil sa pagiging kalbo nito noong siya ay bata pa.

Hindi naman isinapubliko ang pangalan ng ilan pang mga anak ni Jeric. May dalawa pa itong anak kay Holiday at ayon sa balita ay may isa itong anak na nasa New York, isa sa Japan, at dalawa sa mga non-showbiz na naka-relasyon niya na nakatira na ngayon sa Pampanga.

Jeric Raval, naglabas ng saloobin matapos husgahan at batikusin dahil sa pagkakaroon ng 18 na anak sa iba’t-ibang babae

Kung maibabalik lang ang panahon, hindi na umano mag-aanak ng marami si Jeric Raval.

Kamakailan lang ay inulan ng batikos ang aktor na si Jeric Raval.

Ito ay dahil sa pagkakaroon niya ng labinwalong anak sa iba’t ibang mga babae sa edad na 45.

Hindi umano pinagsisihan ng aktor na nagkaroon siya ng madaming anak.

Ngunit kung maibabalik daw ang panahon ay hindi na niya uulitin pa ang kanyang naging kamalian.

Ito ang ibinahagi ni Jeric Raval sa ekslusibong panayam sa kanya ng PEP.ph.

Saad ng aktor, “Kung huhusgahan nila ako dahil lang nagkaroon ako ng anak na labinwalo, what more yung mga nagkaanak ng 88?”

Dagdag pa niya, “Feeling ko nga, ako si James Bond that time. Yun ang hindi ko daraanan ulit.

“Hindi naman ako milyonaryo, hindi naman ako mayaman, tama lang.”

Inamin din niya na may pagkakataon na nasasaktan siya sa tuwing mayroong hinihingi ang kaniyang anak sa kaniya na hindi niya maibigay dito.

“May mga anak kasi ako na minsan, kapag may hinihingi na isang bagay at hindi ko naibigay, masyado kong dinaramdam,” pahayag pa ni Jeric.

Naikwento pa niya na may isa siyang anak na nagpapabili umano ng sasakyan sa kanya.

Ngunit hindi niya agad maibigay kaya naman ikinalungkot niya ito.

Apat ang anak ni Jeric sa kanyang legal wife na si Holiday Buensuceso.

Tinanong din si Jeric tungkol sa pangalan at edad ng kaniyang mga anak.

Ang panganay na anak niya kay Holiday ay 28-anyos na samantalang ang bunso naman ay 12 taong gulang.

Isa ay nasa New York, ang isa ay nasa Japan, habang ang tatlo ay kasama naman ni Monica Herrera.

Ang aktres na si AJ Raval naman ang sumunod sa kanyang yapak sa pag aartista.

The post Kilalanin Ang Mga Naging Anak Ni Jeric Raval Sa Kaniyang Mga Naka-relasyon appeared first on Light Feed.

Source: Light Feed