Mura, pinutakte ng komento ngayon matapos maglabas ng sama ng loob sa vlogger na tumulong sa kanya na si Virgelyn.

Hindi nagustuhan ng mga netizens ang naging pahayag ni Mura sa vlogger na tumulong noon sa kanya na si Virgelyn.

Sa live video ni Mura kamakailan, marami ang nagulat sa kanyang mga binitawang salita laban kay Virgelyn.

Ayon kasi kay Mura ay siya ang naging dahilan kaya dumami ang subscriber at supporters ni Virgelyn. Malaki din daw diumano ang kinita ng vlogger sa mga video na pinagsamahan nila.

“Natural naman ‘yun na magbigay siya. Vlogger siya e. Papaano nga naman lalaki ‘yung kanyang viewers, yung kanyang subscribers kung ‘di siya pumunta sa amin? ‘Di ba, dun siya kumita ng sobra-sobra” saad ni Mura.

“Kung natulungan ako ni Virgelyn, natulungan ko rin siya. So parehas lang. Wala na po kaming pakialaman ngayon,” dagdag pa nito.

Ngunit tila hindi natuwa ang mga netizens sa pahayag na ito ng dating komedyante. Kaya naman agad nilang pinutakte ng samut-saring komento ang post ni Mura.

May ilan na nagsabing wala daw utang na loob si Mura. Dahil sa dami ng naitulong ni Virgelyn sa kanya ay ito pa ang kanyang isinukli.

Ipinagtanggol din ng ilan ang vlogger at sinabing noon pa man ay madami ng sumusuporta kay Virgelyn.

Bago pa man daw nito puntahan si Mura ay madami na ang tulong na natatanggap nito. Lalo na mula sa mga OFW.

Samantala, matapos itong mapanood ni Virgelyn ay agad siyang naglabas ng kanyang saloobin.

Aniya, “Kumusta ka Mura? Sana ‘yung pagtatanim mo ng mani at kung gaano mo pinausbong yung mga mani mo diyan sa bukirin, ganoon mo rin sana pausbungin ang pagtatanim ng utang na loob.”

Sa huli ay nanghingi naman ng paumanhin si Mura sa kanyang mga nasabi laban kay Virgelyn.

The post Mura, pinutakte ng komento ngayon matapos maglabas ng sama ng loob sa vlogger na tumulong sa kanya na si Virgelyn. appeared first on Light Feed.

Source: Light Feed