Daniel Padilla, may rebelasyon tungkol sa nagawang kamalian noon sa relasyon nila ni Kathryn Bernardo na lubos niyang pinagsisihan

Nagkaroon nga ba ng malaking problema ang long time couple na sina Kathryn Bernardo at Daniel Padilla?

Isa sa mga showbiz couples sina Kathryn at Daniel o mas kilalang KathNiel ang pinaka hinahangaan ng madami.

Reel-and-real life couple ang dalawa na talagang inaabanagan ng kanilang fans na humantong sa altar.

Ngunit tulad ng ibang relasyon, hindi maiiwasan na dadaan din sa mga pag subok ang Teen Queen and King.

Sa naging interview ni Daniel kasama si Boy Abunda, naibahagi ng aktor ang kanyang opinyon kung magkamali man sa kanya ang taong mahal niya.

Ibinahagi ng multi awarded actor na nagkamali na siya noon kay Kathryn pero pinatawad at tinanggap pa din siya nito.

“Yes. I will not move on. Hindi ako makaka-move on sa sarili ko, not for us. Kung sakaling may ganun sa isang relasyon ko, kapag ako ay trinaydor at may ginawang mali, kaya kong patawarin ‘yung tao na ‘yun. Kasi para sa akin din iyon. Kapag hindi mo ginawa ‘yun, you will be lost,” sagot ng Teen King.

Pagpapatuloy niya, “That happened to me before. At si Kathryn pinatawad ako. Nagkamali ako before. I was a kid. I was stupid. And still tinanggap niya ako, tinanggap niya ako ng buo.”

 

Inamin naman ni Daniel na madami din silang hindi pagkakasundo ng long time girlfriend pero mas pinipili nila itong ayusin para sa kanilang relasyon.

Hindi naman idinitalye ni Daniel kung ano ang kanyang naging pagkakamali noon pero siguradong napatawad na siya ni Kathryn at mas matibay na ang kanilang relasyon.

Rommel Padilla, Emosyonal na Ibinahagi na Malaki ang Utang na Loob Niya sa Anak na si Daniel Padilla

Hindi na lingid sa kaalaman ng publiko ang pagkabata ng Kapamilya matinee idol na si Daniel Padilla. Lumaki ito sa poder ng kanyang ina na si Karla Estrada, na siyang nagtaguyod sa kanilang magkakapatid. Noong mga panahong iyon ay mag-isa lamang si Karla sa buhay dahil nakulong ang tatay ni Daniel na si Rommel Padilla.

Sa kanyang nakaraang interview sa “Magandang Buhay,” ibinahagi ni Rommel ang kanyang masalimuot na karanasan sa loob ng Bilibid prison mahigit dalawang dekada na ang nakakalipas. Ayon dito, talagang nalugmok siya sa kalungkutan matapos makulong at malayo sa kanyang pamilya.

Sa kabila ng lahat, ginawang inspirasyon ni Rommel ang kanyang pamilya habang nasa loob siya ng kulungan. Inalala rin niya ang isang pagkakataon na binisita siya ni Daniel, at labis daw ang tuwa niya matapos masilayan ang anak na matagal niya ring hindi nakita at nakasama.

“Yung mga time na talagang ako ay nasa dilim. Ligaw na ligaw ako ng mga panahon na iyan, kaya nga ako nasa kulungan. Namali ‘yung napuntahan kong lugat. Until isang gabi, hindi na visiting hours, may dumating na anghel. Kung sino pa ‘yung taong hindi mo inaasahan na dadating. ‘Yung pumasok sa akin na gaano kalaki ang utangko sa taong ito, sa batang ito.”

At kahit pa hiwalay na sila ni Karla, laking pasasalamat niya daw dito dahil hindi nito inilayo ang kanilang mga anak sa kanya. Sa katunayan, si Karla pa ang naging tulay upang maging mas malapit si Rommel sa kanyang mga anak, lalong-lalo na kay Daniel. Dahil dito ay mataas rin daw ang respeto at paghanga niya sa dating partner.

“Dahil sa iyo, nagampanan ko yung obligasyon ko kay DJ. Siguro kung hindi ka naging ganung nanay, malamang napabayaan ko. Hindi ko siguro natutukan or hindi ko nakita yung pagdating ni DJ sa edad na ito. Thank you,” emosyonal na pahayag ni Rommel sa kanyang interview.

Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.

The post Daniel Padilla, may rebelasyon tungkol sa nagawang kamalian noon sa relasyon nila ni Kathryn Bernardo na lubos niyang pinagsisihan appeared first on Light Feed.

Source: Light Feed