Sikat na sidekick noon sa mga palabas na si Mura, naapektuhan ang paglalakad dahil sa aksidenteng natamo sa paa

Ito na pala ngayon ang kalagayan ng small but terrible na si Mura.

Kung si Noemi Tesorero o mas kilala bilang Mahal ay aktibo parin sa showbiz ngayon, si Mura na dati niyang katambal ay hindi na masyadong napapanood sa telebisyon.

Ang kanilang tambalan ay napapanood noon sa isang dating noontime variety show. Nakabilang din si Mura sa ilang mga pelikula at proyekto sa telebisyon.

Ngunit taong 2010, ay may hindi inaasahang pangyayari ang naganap kay Mura. Na naging dahilan din kaya nawala siya sa industriya.

Taong 2010, nabali ang kaliwang hita ni Mura. Mula noon, hindi na siya nakabalik ng showbiz.

Ngayon, nakatira ang 46-anyos na dating komedyante sa Ginubatan, Albay kasama ang kaniyang pamilya, at dito ay bumalik siya sa simpleng pamumuhay.

Bukod sa pagtatanim ng gulay, gumagawa rin ng uling si Mura na kaniyang ikinabubuhay.

Ayon kay Mura ay hindi parin niya nakakalimutan ang showbiz at nais parin niyang bumalik dito.

Para matulungan ang kanyang pamilya sa probinsya pero hindi na siya masyadong nakakatanggap ng mga proyekto.

Samantala, sa isang video na ibinahagi ng YouTube channel na Virgelyncares 2.0, naibahagi ni Mura kung paano siya nabubuhay sa kasalukuyan.

Kapansin-pansin na hirap si Mura sa paglalakad dahil sa aksidenteng nangyari sa kanya. Gayunpaman, siya mismo ang gumagawa ng mga gawain para makaani sila mula sa kanilang mga pananim.

Kwento ni Mura, nakatakda sana siyang makasama ng yumaong batikang aktor na si Eddie Garcia ngunit dahil sa kanyang kalagayan ay tinanggihan niya umano dahil hindi niya kakayaning tumakbo.

Aniya kung mabibigyan siyang muli ng pagkakataon ay gagawin niya ang kanyang makakaya upang makabalik muli sa pag-aartista.

Naging emosyonal naman si Mura nang iabot sa kanya ang P10,000.

Abot-abot ang pasasalamat ni Mura sa vlogger na si Virgelyn at sa mga OFW na nagbigay ng kanilang mga donasyon.

“Ginagamit ka lang ng g*gong yan”- Pamilya ni Mahal, Tutol sa Pagsasama Nila ni Mygz Molino

‘You and me against the world’ ang peg ng celebrity couple na sina Mahal at Mygz Molino. Kahit pa tutol ang mga kamag-anak ni Mahal sa kanilang relasyon, nanindigan ito na patuloy pa rin niyang mamahalin ang 35-year-old na Youtuber. Kamakailan lang, nagpaunlak ng interview si Mahal sa Philippine Entertainment Portal, kung saan nagbigya siya ng mensahe sa mga tutol sa kanilang relasyon.

Ipinahayag ng komedyante ang kanyang dismaya dahil hindi pabor ang kanyang pamilya kay Mygz. Ayon kay Mahal, kahit pa mag-iisang taon na ang kanilang pagsasama ay hindi pa rin tanggap ng mga kamag-anak niya ang kanilang relasyon, bagay na ikinasama ng loob ng 46-anyos na komedyante.

“Hindi ako ginagamit ni Mygz! Ang masasabi ko diyan, magka-tandem kami ni Mygz. Huwag niyo po kaming husgahan, huwag po ninyo kaming pakialaman. Habang buhay na ang tandem namin, hanggang sa uugod-ugod na ako, hanggang sa mawala ako sa mundo,” pahayag ni Mahal sa kanyang exclusive interview.

Sa Facebook, isang concerned na kapamilya ni Mahal ang nagsabing hindi nila gusto ang treatment ni Mygz kay Mahal.

Kinondena rin nila ang mga pranks nito na di umano’y ilang beses na nagpaiyak kay Mahal. Dagdag pa nito, tila ba ginagamit lamang ni Mygz si Mahal para magkaroon ng maraming views sa kanyang Youtube channel.

Ayon pa sa kan

ila, concerned lamang sila sa kapakanan ng komedyante. Ayaw rin nilang maulit pa ang masaklap na nangyari dito dati, kaya naman nais nilang mapalayo si Mahal kay Mygz. Iginiit rin nila na lagi silang nakasuporta kay Mahal, lalo pa’t concerned lamang sila dito.

“Lahat kami dito naiinis at nagalit sa gagong ‘yan, ilang beses ka na ipaiyak kahit prank lang yun, masakit para sa amin na umiiyak ka. Ayaw lang naman na maulit uli ang nangyari sa ‘yo nuon. Ginamit ka lang gagong ‘yan, tapos sasabihin niya hindi ka niya ginagamit. Kalokohan ‘yan Mahal. Walang ibang magmamahal sa ‘yo Mahal kondi mga pamilya mo lang.”

Ano ang masasabi mo sa kwentong ito? Ibahagi lamang ang inyong opinyon at parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like o mag follow sa aming Facebook.

The post Sikat na sidekick noon sa mga palabas na si Mura, naapektuhan ang paglalakad dahil sa aksidenteng natamo sa paa appeared first on Light Feed.

Source: Light Feed