Kiko at Heaven, kumpirmadong break na? Heaven, in-unfollow na rin si Kiko at binura ang mga larawan nila sa Instagram

Mukhang kumpirmado na nga ang hiwalayang Kiko Estrada at Heaven Peralejo.

Usap usapan na namang muli sa social media ang aktres na si Heaven Peralejo. Ito ay ng mapansin ng mga netizens na nag-unfollow na siya kay Kiko Estrada sa Instagram.

Pati na din ang mga sweet photos nila together ay burado na rin sa Instagram account ng aktres. Kaya hinuha ng marami ay tila kumpirmasyon na ito na hiwalay na talaga sina Heaven at Kiko.

Matatandaan na noong unang Linggo ng September ay napansin din ng mga netizens na nag-unfollow na si Kiko kay Heaven. Binura din ng aktor ang mga larawan nila ng aktres.

Samantala, sa September 5 Showbiz Update vlog ni Ogie Diaz, tinalakay niya ang tungkol sa kontrobersyal na magkasintahan.

Kung saan ibinunyag ni Ogie na ayon sa kanyang source ay hiwalay na nga sina Heaven at Kiko.

“Kapag ganyan na nag-unfollow na si lalake du’n sa babae, wala na ‘yun,” pahayag ni Ogie.

Pagpapatuloy pa niya, “Mako-confirm natin kung talagang wala na sila kung si Heaven ay mag-a-unfollow na rin kay Kiko at magde-delete na rin siya ng photos nila.”

Pero ayon umano sa reliable source ni Ogie ay split na daw talaga ang dalawang Kapamilya stars. Aniya, “So ‘yun na ‘yon, one way of saying, ‘wala na kami.’ Hindi natin alam kung ano ang rason. Pero ako may nakausap ako, wala na sila, nag-split na sila.”

Noong August 30 lamang ay ipinagdiwang nina Kiko at Heaven ang kanilang third monthsary.

Nagpalitan pa nga ang dalawa ng matatamis na mensahe sa post ni Kiko tungkol sa kanilang ikatlong buwan bilang magkasintahan.

Noong August 13, isinapubliko naman nina Heaven at Kiko ang kanilang relasyon.

Sa ngayon, wala pang inilalabas na statement sina Kiko at Heaven ukol dito.

Dating pahayag ni Heaven tungkol sa pagiging ‘HIGAD’, naungkat muli matapos aminin ang relasyon kay Kiko Estrada

Confirmed na ang relasyon nina Heaven Peralejo at Kiko Estrada base sa kanilang mga Instagram post.

Ito ay makalipas ang limang buwan mula nang pumutok ang kontrobersiyal na hiwalayan ni Kiko at nobya niya noong si Devon Seron.

Sina Heaven at Kiko ay nagkatrabaho sa ABS-CBN afternoon series na Bagong Umaga, na umere mula Oktubre 2020 hanggang April 2021.

Nagkagusto ang karakter ni Kiko kay Heaven sa kuwento ng serye.

Nauwi sa totohanan ang pagsinta ni Kiko kay Heaven ngayong inamin na nila sa publiko ang kanilang pag-iibigan.

Sweet ang dalawa sa isa’t isa, sa nag-iisang post ni Kiko ay nag-i love you na ito kay Heaven.

I love you too naman ang sagot ng dalaga sa comment section.

 

Makalipas ang ilang minuto ay si Heaven ang nag-post sa Instagram ng mga litrato nila ni Kiko.

Matamis ang pagkakangiti nila habang magkatitigan at magkayakap sa unang litrato.

 

Ilang kasamahan sa industriya ang masaya para sa dalawa, ngunit hindi mapigilan ng mga netizen ang magduda lalo’t limang buwan pa lang ang nakalilipas matapos maghiwalay sina Kiko at Devon.

At dahil dito ay naungkat ang panayam noon ni Heaven sa ‘Tonight With Boy Abunda’

Kung saan nagbigay siya ng reaksyon sa mga tumawag sa kanya ng higad’, ‘malandi’ at iba pang masasakit na salita.

Pati na din ang pagde-deny niya noon ng siya ang tinuturong third party sa hiwalayan nina Kiko at Devon.

Saad pa ng aktres, hindi raw siya ‘romantically associated’ kay Kiko noon, at magkatrabaho lang daw talaga sila.

Pero ilang buwan lang ang nakalipas lumabas na ang katotohanan.

Anong say mo dito?

The post Kiko at Heaven, kumpirmadong break na? Heaven, in-unfollow na rin si Kiko at binura ang mga larawan nila sa Instagram appeared first on Light Feed.

Source: Light Feed