Lester Llansang, delivery rider na ngayon matapos ang role sa Ang Probinsyano

Proud na ibinahagi ng aktor na si Lester Llansang na isa na siya ngayon Lalamove delivery rider.

Sa latest interview ni Lester kay Ogie Diaz, ibinahagi ng aktor ang kanyang trabaho ngayon. Matapos ang naging role niya sa “FPJ’s Ang Probinsyano.”

Saad ni Lester proud siya na isa siyang delivery rider ngayon. Aniya, “Sinubukan ko siya pero in-enjoy ko siya tito, promise… Nagde-deliver ako ng mga pangangailangan ng tao.”

“Umulan, umaraw nandun ako, isa ako ngayong Lalamove rider,” pagmamalaki pa ng aktor.

Naibahagi din ni Lester ang mga karanasan niya araw araw sa pagbyahe bilang isang delivery rider. Na aniya’y paniguradong dinaranas din ng mga kapwa rider niya.

Ayon sa aktor sa umpisa daw ay mahirap pero habang tumatagal ay nag-eenjoy na siya sa kanyang ginagawa.

Malayo man daw sa kinalakihan niyang trabaho bilang artista ay taas noo pa din siya dahil kumikita siya sa malinis na paraan ngayong may pandemya.

“Nasa state ako ngayon na ‘di baleng mababa ang kita kesa wala,” paglalahad pa ni Lester.

Ibinahagi pa niya na kahit may trabaho man ang kanyang partner ay ayaw niyang iasa na lang ang lahat dito. Lalo pa at sanay siya na siya ang gumagastos at naghahanap buhay para sa kanila.

Umani naman ng papuri si Lester mula sa maraming netizens.

Narito ang ilan sa kanilang komento:

“Nakaka-relate po ako sa inyo Sir Lester, laban lang, tama po kayo Something is always better than nothing and always be a blessing to others.”

“inspiring stories sana maging ganito lagi yung theme, learning lessons from how others live their life.”

“This interview really represents our heroic delivery riders. Hindi talaga biro ang ginagawa nila. I admire you for working hard even just for a small income.”

Dating child star na si Lester Llansang, inalala ang magandang tulong na inabot ni Angel Locsin sa kanya

Ibinahagi ng former child wonder na si Lester Llansang ang kabutihang ginawa sa kanya ng aktres na si Angel Locsin.

Mas lalong hinangaan ng marami si Angel Locsin dahil sa ibinahagi ni Lester. Sa panayam ng aktor kay Ogie Diaz ibinahagi nito ang malaking tulong na ibingay sa kanya ng tinaguriang “Real-Life Darna.”

Naitanong kasi ni Ogie kung sino sa ma artista ang hinahangaan ni Lester hindi lang sa pag-arte kundi sa pagiging mabuting tao.

Sagot naman ni Lester ay si ‘GeLocs’ na siya pa lang tawag niya sa kaibigang si Angel Locsin.

Aniya, noong tumutugtog pa lamang siya noon sa mga bars and resto ay dumating ang kanyang supling. Ng mga panahon na iyon ay kapos talaga siya sa panggastos.

At to the rescue umano agad si Angel para tulungan siya.

Saad ni Lester, “Wala akong budget, as in ipit, nakaipit ‘yung budget. Si Angel ‘yung sumagot, yung buong hospital bill, yung buong bayarin.”

Sinabi din niya na naging ninang din si Angel ng kanyang anak.

Tanong namang muli ni Ogie na ng magkatrabaho na ba ang aktor ay siningil daw ba siya ni Angel sa mga nagastos nito.

Ngunit ayon kay Lester ay hindi daw ganun ang ugali ng aktres. “Hindi siya ganun, hindi ganun si Angel, nakakatuwa siya,” pagbabahagi pa ni Lester.

Kaya naman laking pasasalamat daw niya sa kaibigan sa kabutihan nito. Hindi lang sa kanya kundi sa pagiging bukas palad nito sa mga nangangailangan.

Umani ng papuri mula sa netizens ang aktres dahil sa pagtulong nito lalong-lalo na sa mga kaibigang dumaraan sa kagipitan.

Marami ang nagsabi na talagang maasahan si Angel sa oras na kailanganin ang kanyang tulong.

Panoorin dito ang kabuuan ng panayam ni Ogie kay Lester:

The post Lester Llansang, delivery rider na ngayon matapos ang role sa Ang Probinsyano appeared first on Light Feed.

Source: Light Feed