Magkakaroon ng bagong leading lady ang Kapamilya actor na si Gerald Anderson sa katauhan ni Gigi de Lana.
Noong Martes, October 12, ibinahagi ng Star Creatives na isang international series na may pamagat na Hello, Heart ang pagtatambalan ng dalawa.
Romantic comedy series umano ang mgaiging genre ng nasabing serye. Iikot ang istorya tungkol sa isang dalaga na dumaan sa iba’t-ibang kamalasan hanggang sa nakilala niya ang kanyang lucky charm.
Iha-hire ng karakter ni Gerald si Gigi na magkunwari bilang kanyang asawa at ipapakilala niya ito sa kanyang lola.
Samantala, agad namang umani ng samu’t-saring reaksyon ang bagong tambalan nina Gerald at Gigi.
Hindi kaila sa publiko na nabansagan ng ‘chickboy’ si Gerald dahil sa mga naging karelasyon niya sa industriya ng showbiz.
Si Gigi de Lana naman ay ang sikat na internet sensation ngayon dahil sa husay niya sa pag-awit. Una siyang nakilala sa “Tawag ng Tanghalan” kung saan naging kalahok siya at Gidget Dela Llana pa ang pangalan niya noon.
Narito ang ilan sa mga komento ng mga netizens sa tambalang Gerald at Gigi:
“Congratulations Gigi De Lana for your upcoming shampoo endorsement!”
“Wala pang shampoo commercial si Gigi. Safe pa si Julia.”
“Nakoooooooo GeGi (Gerald-Gigi) bagong love team hahaha yari ka jan”
“Julia neng kabahan ka na”
“Mag- ingat, Gigi. Nakakasira ng vocal chords yan.”
Halos karamihan sa mga netizens ay pinag-iingat si Gigi kay Gerald. Mukhang hindi na natanggal ang ‘babaer0’ image ng aktor sa publiko.
Pinapaalalahanan din ng mga ito ang nobya ng aktor na si Julia Barretto dahil sa posibleng kahihinatnan umano ng tambalang Gerald at Gigi.
Ikaw anong say mo dito?
Gerald Anderson, Nais Humingi Ng Tawad Kay Bea Alonzo
Sa isang ABS-CBN Entertainment interview with Boy Abunda kasama ang kaniyang “Init sa Magdamag” co-stars na sina Yam Concepcion at JM De Guzman, walang pag-aalinlangang inihayag ni Gerald Anderson ang tungkol sa kaniyang personal na buhay at matapang din niyang sinagot ang tanong tungkol sa kaniyang dating kasintahan na si Bea Alonzo at kasintahan nito ngayon na si Julia Barretto.
Sa nasabing panayam, napag-usapan ang mga kontrobersiya na kinaharap ni Gerald.
Sagot ng aktor kay Tito Boy,
“I think kailangan kong pagdaanan yan para makarating ako dito sa state kung san ako ngayon sa sitwasyon ko. Syempre, kung pwedeng hindi dumaan sa ganung klaseng sitwasyon [sana hindi nalang] but that’s life.”
Pagpapatuloy ni Gerald,
“Hindi ko naman masasabi kung anong mangyayari, or hindi ko na po mababago yung nangyari. As much as I wish I could, hindi ko na po hawak yun. So I can just absorb and learn and just move on with life kasi that’s what life is about – it’s falling down pero getting back up,”
Natanong din si Gerald kung ano ang kaniyang gagawin kung sakali na mabigyan siya ng pagkakataon na makausap ang dating kasintahan na si Bea Alonzo at boyfriend nito ngayon na si Dominique Roque.
Ani Gerald,
“More siguro kay Bea, wag na po siguro tayo mandamay ng ibang tao I really hope na she will find it in her heart to forgive what happened, forgive me. But nagho-hope lang po ako.”
Samantala, tinanong din ni Tito Boy si Gerald tungkol sa plano niya at sa pag-ayang pagpapakasal sa kasintahang si Julia Barretto. Sa mga nagdaang interview kasi ay inihayag ng aktres ang pagnanais niya na makabuo na ng sariling pamilya sa batang edad.
Paglalahad ni Gerald,
“Alam mo Tito Boy, gusto ko sagutin yan talaga. And siguro, alam niyo po yung isasagot ko diyan. But dahil siguro she’s still very young and ang dami pa niyang mai-o-offer sa industriya natin. And ang dami pa niyang ipapakita sa inyo, sa audience natin. So ayoko maging hadlang.”
Ngunit, nang magbigay ng follow up question si Tito Boy at tinanong si Gerald sa pagpapakasal kay Julia, sagot ng aktor nang walang pag-aalinlangan, “She’s the one.”
The post Bagong magiging leading lady ni Gerald Anderson na si Gigi de Lana, umani ng samut-saring reaksyon ngayon appeared first on Light Feed.
Source: Light Feed
0 Comments