Bea Alonzo, aminadong hindi chini-check ang cellphone ng kanyang boyfriend na si Dominic Roque: “hindi ako selosa”

Aminado ang Kapuso actress na si Bea Alonzo na hindi siya selosa.

Game na game si Bea sa “Guilty or Not Guilty” challenge sa unang guest appearance niya sa The Boobay And Tekla Show (TBATS) ng GMA-7 nitong Linggo, September 12.

Sa nasabing show ay walng pag-aalinlangang sinagot ng aktres ang mga katanungan tungkol sa mga ex niya.

Unang tanong kay Bea ni Boobay na sinagot niya ng gulity ay, “Inunfollow ang ex sa Instagram. Guilty or Not Guilty?”

“Hindi lang in-unfollow, binlock sa lahat!” saad ni Bea. Hirit pang tanong ulit ni Boobay, “Bakit mo binlock? Bakit mo in-unfollow?”

Natatawang sagot naman ni Bea, “Pag-uusapan ba natin ngayon? I think alam niyo na…”

Natanong naman si Bea kung “pinakialaman ang cellphone ng boyfriend kasi pinaghihinalaang may ibang babae.”

“Proud ako diyan. Never akong nag-check ng phone… Never!” sabi ni Bea

“Hindi ikaw yung klase ng babae na tamang hinala?” tanong muli ni Boobay kay Bea.

“Hindi. I respect one’s privacy. Feeling ko kasi ‘yung cellphone parang toothbrush,” anang Kapuso actress.

“Tsaka feeling ko, binibigyan mo lang din lalo ng pasakit ‘yung sarili mo. Kasi kahit na ano pang gawin mo, kung magloloko, magloloko,” paliwanag pa ni Bea.

Sinabi rin ni Bea na hindi siya selosa na klase ng babae, kasabay ng pagbibiro niya sa isa sa kaniyang mga dating nobyo.

“Tsaka mamsh, ‘yung totoo, hindi ako selosa. Kahit tanungin niyo ‘yung mga… well ‘yung isang ex… ‘yung ibang exes ko,” natatawa niyang sambit.

Kabilang sa mga dating boyfriend ni Bea sina Gerald Anderson, Zanjoe Marudo, at ang yumoang si Miko Palanca.

Sa nasabi ring panayam, sinabi ng aktres na husband material si Dominic pero wala pa raw sa priorities nila ang magpakasal dahil kinikilala pa rin nila ang isa’t isa.

Lola Zeny ni Dominic Roque, hawig na hawig ni Bea Alonzo noong dalaga pa ito

Tila itinadhana talaga kung ituring ng marami ang magkasintahan na sina Dominic Roque at Bea Alonzo.

Nakaraang buwan lamang ng kumpirmahin nina Dom at Bea sa publiko ang kanilang relasyon. Ito ay matapos ang kanilang bakasyon sa Estados Unidos.

July 18 nang dumalo sila sa baby shower para sa tiyahin ni Dom na si Beth Tamayo. Doon din nakilala ni Bea ang ibang mga kaanak ng nobyo.

 

Naka-bonding na din ni Bea ang pamilya ni Dominic at ibinahagi ng kanilang fan page ang mga litrato na kuha sa bahay ng aktor.

Makikita sa litrato na naroon ang mga magulang ni Dominic na sina Anthony Sr. at Lena.

Naroon din ang mga kapatid ni Dominic na sina Anthony Jr., Iah, at Lhean. Asawa ni Anthony Jr. si Marian at anak nila si Claudia.

At kamakailan nga lamang, tila destiny daw kung maituturing talaga sina Dominic at Bea. Dahil viral ngayon ang litrato ng Lola Zeny ni Dom.

Kung saan makikita ang laki ng pagkakahawig ni Lola Zeny kay Bea Alonzo noong kabataan pa nito.

Ipinost ito ng Fan pgae ng magkasintahan at pinagdikit ang litrato nina Bea at Lola Zeny.

 

Agad namang umani ng samu’t-saring komento ang nasabing litrato.

Narito ang ilan sa say ng netizens: 

“Ganun daw kapag may kamukha ung gf/bf mo na kamag anak/ka pamilya mo.. Kau daw ang magkakatuluyan”

“Sabi nila pag may resemblance.. destiny talaga sila”

“magkamukha din naman sila ni Dominique roque e para silang magkapatid “

“nakatadhana talaga sina Bea at Dom hawig na hawig ni Lola eh”

The post Bea Alonzo, aminadong hindi chini-check ang cellphone ng kanyang boyfriend na si Dominic Roque: “hindi ako selosa” appeared first on Light Feed.

Source: Light Feed