LJ Reyes, hinangaan ng mga netizens dahil sa pagpupirsige na maibalik ang kanyang sexy na katawan

Mukhang puspusan ang ginagawang workout ng aktres na si LJ Reyes kasama pa ang kanyang bunso na si Summer.

Kasalukuyang nasa Amerika si LJ upang makapaghilom sa natapos na relasyon kay Paolo Contis.

Kasama ng aktres ang anak nila ni Paolo na si Summer at ang anak niya sa dating karelasyong si Paulo Avelino na si Aki.

Kamakailan nga lamang ay spotted na nag-enjoy si LJ sa panonood sa prestihiyosong international semi-annual fashion show.

 

Nagpaka-fangirl pa siya matapos makitang rumampa ang international model na si Gigi Hadid sa show.

At ilang araw nga lang ang nakalipas, tila balik alindog ang program ngayon ng aktres.

Sa kanyang latest Instagram post ibinahagi ng aktres ang kanyang intense workout kasama ang anak na si Summer.

Makikita ang determinasyon ng aktres upang maibalik ang ganda ng hubog ng kanyang katawan.

Mas naaliw nga ang kanyang mga fans dahil kasama pa niya ang kanyang bunso habang nag-eehersisyo. At ginagaya pa nga ni Summer kung ano ang ginagawa ng kanyang mommy LJ.

Saad pa nga ni LJ sa kanyang caption, “Yung antok ka pa pero adik yung kasama mo magworkout! Pero game na game ka naman – Summer”

Dinagdagan pa niya ito ng mga hashtag na “mom and daughter tandem” at #mumljandsummer. Pati na din ang quote na “and we’re back to regular programming.”

Lumipad si LJ papuntang New York noong huling linggo ng Agosto.

Noong panahong yun, unti-unti nang umaalingawngaw sa social media ang diumano’y hindi na mabuting lagay ng pagsasama nina LJ at Paolo.

LJ Reyes at mga anak, nagdesisyong lisanin ang bansa, lumipad na patungong New York

Lumipad na papuntang New York si LJ Reyes kasama ang kanyang dalawang anak.

Noong September 1, ipinalabas ang kabuuang interview niya kay Boy Abunda sa YouTube channel ng huli.

Sa teaser palang na inilabas ng The Interviewer ni Boy Abunda obvious nang kinumpirma na ni LJ. Ang hula ng mga Netizens na hiwalay na nga sila ni Paolo.

Kasabay ng pagkumpirma na hiwalay na sila ni Paolo Contis, nagbigay ng ilang detalye si LJ tungkol sa nangyari sa kanilang relasyon para maituwid ang ilang maling impormasyon na kumakalat.

Sa panayam ni Tito Boy, ipinaliwanag ni LJ kung bakit kinailangan nilang iwan ng kaniyang mga anak si Paolo.

Ayaw magkomento ni LJ patungkol sa mga usap-usapan na may “third party” na sangkot sa kanilang paghihiwalay.

“Sa totoo lang kung ano man yung third party na sinasabi nila, its actually the least of my concerns,” sabi niya.

Sa nakalipas na dalawang buwan, sinabi ng aktres na mayroon siyang mga natutuklasan.

Kinumpirma din ni LJ kay Boy Abunda na last week pa siya umalis papuntang New York.

Kasama ang dalawang anak niya. Si Aki na anak niya kay Paulo Avelino at si Summer na anak nila ni Paolo.

Dual citizen si LJ kaya madali para rito na makaalis ng bansa kahit na may pandemic. Nasa US din ang kanyang ina at kapatid.

Isang linggo na sila roon pero wala siyang binanggit kung hanggang kailan sila sa Amerika basta ang sabi lang niya, “Gusto kong protektahan ang mga anak ko, malayo sa sitwasyon.”

20 years ng naninirahan ang ina ni LJ sa New York. Lumipat ito taong 2001.

The post LJ Reyes, hinangaan ng mga netizens dahil sa pagpupirsige na maibalik ang kanyang sexy na katawan appeared first on Light Feed.

Source: Light Feed